ТЦСАН Дубровенскага раёна з увагай і клопатам пра людзей!
27 верасня 2024 года напярэдадні Дня пажылых людзей адбылося ўрачыстае адкрыццё стацыянарнага сацыяльнага пункта ТЦСАН Дубровенскага раёна ў аграгарадку Ерамееўшчына. Гэта падзея стала цудоўным падарункам і значнай падзеяй для жыхароў аграгарадка і навакольных вёсак.
Удзельнічаючы ў цырымоніі пераразання стужачкі, намеснік старшыні Дубровенскага райвыканкама С.В. Рыжанская і начальнік упраўлення па працы, занятасці і сацыяльнай абароне Дубровенскага райвыканкама А.І. Звяркова адзначылі важнасць прасоўвання сацыяльных паслуг у глыбінку для забеспячэння іх крокавай даступнасці.
Т.В. Кір'янава, дырэктар ТЦСАН, уручыла сацыяльнай службе сімвалічны ключ, які адчыніў не толькі дзверы кабінета, але і магчымасць тут, на месцы, своечасова атрымаць неабходную сацыяльную дапамогу і падтрымку.
Арганізавана сапраўднае свята для мясцовых жыхароў: прадстаўлены тэматычныя пляцоўкі і выстава-продаж работ людзей з інваліднасцю, майстар-клас па вырабе абярэгаў, выступленне валанцёраў "сярэбранага ўзросту", артыстаў мастацкай самадзейнасці, уручэнне падарункаў ад РГА "Белая" Русь», Дубровенскага РА Беларускай партыі "Белая Русь".
