Страхавы стаж
Для прызначэння працоўнай пенсіі па ўзросце неабходны стаж працы з выплатай страхавых узносаў у фонд сацыяльнай абароны (страхавы стаж).
Патрабуемы страхавы стаж з 2025 года і наступных гадах складае 20 гадоў.
У страхавы стаж залічваюцца перыяды працы, прадпрымальніцкай, творчай і іншай дзейнасці, на працягу якіх выплачваліся страхавыя ўзносы ў фонд сацыяльнай абароны.
У страхавы стаж не ўключаюцца перыяды:
- ваеннай службы (за выключэннем тэрміновай ваеннай службы пасля 1 студзеня 2020 г.)
- вучобы на дзённым аддзяленні
- догляду за дзецьмі ва ўзросце да 3 гадоў, дзецьмі-інвалідамі, інвалідамі 1 групы, асобамі, якія дасягнулі 80-гадовага ўзросту
- атрыманнi дапамогі па беспрацоўі
Разам з тым гэтыя перыяды ўлічваюцца пры вызначэнні агульнага стажу, зыходзячы з якога вылічаецца памер пенсіі.
Даведачна: усе віды дзейнасці, якую можна ўключыць у агульны стаж, пералічаныя ў артыкуле 51 Закона Рэспублікі Беларусь "Аб пенсійным забеспячэнні".
Падлік страхавога стажу за перыяды пасля 1 ліпеня 1998 г. ажыццяўляецца з улікам узроўню атрымоўваемага работнікам заробку (даходу), з якога плаціліся страхавыя ўзносы.
Так, калі страхавыя ўзносы выплачаны за каляндарны год (альбо менш, калі ў годзе былі прыём на працу або звальненне, рэгістрацыя або выключэнне з ліку плацельшчыкаў страхавых узносаў) з заробку (даходу) ніжэй мінімальнай заработнай платы, страхавы стаж карэктуецца ў бок змяншэння з прымяненнем паправачнага каэфіцыента.
Даведачна: паправачны каэфіцыент разлічваецца шляхам дзялення фактычнага заробку (даходу), з якога выплачаны ўзносы, на сярэднеарыфметычную велічыню мінімальнай заработнай платы за адпаведны перыяд выплаты страхавых узносаў.
Атрымаць звесткі аб страхавым стажы напрацаваным з 2003 года магчыма праз мабільную праграму "ФСАН".
Па кансультацыю па пытаннях вылічэння страхавога стажу для прызначэння пенсіі можна звярнуцца да спецыялістаў упраўлення пенсійнага забеспячэння камітэта па працы, занятасці і сацыяльнай абароне Віцебскага аблвыканкама па тэл. 8 (0212) 65 93 64, 8 (0212) 65 44 82.
