Камітэт па працы, занятасці
і сацыяльнай абароне Віцебскага

абласнога выканаўчага камітэта

Асноўныя палажэнні нарматыўнага прававога акта

Нарматыўны прававы акт

Дзяржаўныя дапамогі сем'ям, якія выхоўваюць дзяцей

Дапамога па доглядзе дзіцяці ва ўзросце да 3 гадоў:

на дзіця-інваліда ва ўзросце да 3 гадоў – у памеры 45 працэнтаў сярэднямесячнай заработнай платы работнікаў у рэспубліцы за квартал;

на іншых дзяцей ва ўзросце да 3 гадоў, якія выхоўваюцца ў сям'і: на першае дзіця - 35 працэнтаў сярэднямесячнай заработнай платы работнікаў у рэспубліцы за квартал, на другое і наступных дзяцей - 40 працэнтаў.

Прызначаецца па месцы працы, службы вучобы або ў органах па працы, занятасці і сацыяльнай абароне.

Асобам, якія пастаянна (пераважна) жывуць на тэрыторыі, якая падверглася радыёактыўнаму забруджванню ў зоне наступнага адсялення або ў зоне з правам на адсяленне, дапамога па доглядзе дзіцяці ва ўзросце да 3 гадоў назначаецца і выплачваецца ў памеры 150 працэнтаў гэтай дапамогі.

Закон Рэспублікі Беларусь ад 29.12.2012
№ 7-З «Аб дзяржаўных дапамогах сем'ям, якія выхоўваюць дзяцей» (арт. 12–13).

Дапамога на дзяцей старэйшых за 3 гады з асобных катэгорый сем'яў.

Прызначаецца незалежна ад даходаў сям'і на кожнага дзіцяці ва ўзросце старэй за 3 гады:

на дзіця-інваліда ва ўзросце старэй за 3 гады – у памеры 70 працэнтаў бюджэту пражытачнага мінімуму ў сярэднім на душу насельніцтва (далей – БПМ);

на іншых дзяцей ва ўзросце старэй за 3 гады, якія выхоўваюцца ў сям'і, - у памеры 50 працэнтаў БПМ.

Прызначаецца штогод (не пазней, чым па 31 снежня кожнага года) па месцы працы, службы, вучобы або ў органах па працы, занятасці і сацыяльнай абароне.

Калі сям'я адначасова мае права на дапамогу на дзяцей старэй за 3 гады з асобных катэгорый сем'яў і на дапамогу сем'ям на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў (якая прызначаецца адна на сям'ю ў памеры 50 працэнтаў БПМ)) выплачваецца адзін від дапамогі па выбары сям'і.

Закон Рэспублікі Беларусь ад 29.12.2012
№ 7-З «Аб дзяржаўных дапамогах сем'ям, якія выхоўваюць дзяцей» (арт. 15-16).

Дапамога па доглядзе дзіцяці-інваліда ва ўзросце да 18 гадоў:

з I і II ступенню страты здароўя да спаўнення дзіцяці 18 гадоў і з III і IV ступенню страты здароўя да спаўнення дзіцяці ўзросту 3 гадоў - у памеры 100 працэнтаў БПМ;

з III і IV ступенню страты здароўя пасля спаўнення дзіцяці ўзросту 3 гадоў - у памеры 120 працэнтаў БПМ.

Прызначаецца ў органах па працы, занятасці і сацыяльнай абароне незалежна ад прызначэння іншых дапамог.

Права на гэту дапамогу маюць бацькі, іншыя сваякі дзіцяці-інваліда або іншыя асобы, якія фактычна ажыццяўляюць догляд дзіцяці-інваліда, пры ўмове, калі ў іх няма занятасці (г.зн. калі яны не працуюць па працоўных дагаворах, не служаць, не вучацца на дзённай форме атрымання адукацыі, не выконваюць работы па грамадзянска-прававых дагаворах, прадметам якіх з'яўляюцца аказанне паслуг, выкананне работ і стварэнне аб'ектаў інтэлектуальнай уласнасці, не з'яўляюцца індывідуальнымі прадпрымальнікамі, натарыусамі, адвакатамі, рамеснікамі, асобамі, якія ажыццяўляюць дзейнасць у сферы аграэкатурызму, не зарэгістраваны ў якасці беспрацоўных, не праходзяць падрыхтоўку ў клінічнай ардынатуры ў вочнай форме і не атрымліваюць пенсію, страхавую выплату, грашовае ўтрыманне ў адпаведнасці з заканадаўствам аб дзяржаўнай службе).

Разам з тым права на дапамогу па доглядзе дзіцяці-інваліда ва ўзросце да 18 гадоў прадастаўляецца маці (мачасе) або бацьку (айчыму) у поўнай сям'і, аднаму з бацькоў у няпоўнай сям'і, усынавіцелю (удачарыцелю), апекуну (папячыцелю) дзіцяці-інваліда, калі яны:

працуюць па працоўным дагаворы на ўмовах не больш за палову месячнай нормы працоўнага часу (г.зн. не больш чым на 0,5 стаўкі) у аднаго або некалькіх наймальнікаў або выконваюць работу па працоўным дагаворы на даму ў аднаго наймальніка;

з'яўляюцца індывідуальнымі прадпрымальнікамі, натарыусамі, адвакатамі, рамеснікамі, асобамі, якія ажыццяўляюць дзейнасць у сферы аграэкатурызму, і адпаведная дзейнасць прыпынена ў парадку, устаноўленым заканадаўствам, або яны, з'яўляючыся індывідуальнымі прадпрымальнікамі, знаходзяцца ў працэсе спынення дзейнасці;

знаходзяцца ў водпуску па доглядзе дзіцяці да дасягнення ім узросту 3 гадоў (водпуску па доглядзе дзяцей, які прадастаўляецца па месцы службы) або акадэмічным водпуску;

незалежна ад атрымання пенсіі і страхавой выплаты.

Закон Рэспублікі Беларусь ад 29.12.2012
№ 7-З «Аб дзяржаўных дапамогах сем'ям, якія выхоўваюць дзяцей» (арт. 18).

Дапамога па часовай непрацаздольнасці па доглядзе хворага дзіцяці-інваліда ва ўзросце да 18 гадоў. Прызначаецца:

пры амбулаторным лячэнні дзіцяці-інваліда ва ўзросце да 18 гадоў - на перыяд, на працягу якога дзіця па заключэнні ўрача мае патрэбу ў доглядзе, але не больш чым на 14 каляндарных дзён;

пры стацыянарным лячэнні - на ўвесь перыяд знаходжання з дзіцём ва ўзросце да 5 гадоў, калі дзіця ва ўзросце старэй за 5 гадоў - на перыяд, на працягу якога яно мае патрэбу ў доглядзе.

Закон Рэспублікі Беларусь ад 29.12.2012
№ 7-З «Аб дзяржаўных дапамогах сем'ям, якія выхоўваюць дзяцей» (арт. 19-20).

Дапамога па часовай непрацаздольнасці па доглядзе дзіцяці-інваліда ва ўзросце да 18 гадоў у выпадку хваробы маці або іншай асобы, якая фактычна ажыццяўляе яго догляд. Прызначаецца за ўвесь перыяд, на працягу якога названыя асобы па заключэнні ўрача не могуць ажыццяўляць догляд дзіцяці.

Права на дапамогу мае асоба, якая непасрэдна ажыццяўляе догляд дзіцяці-інваліда, на якую распаўсюджваецца дзяржаўнае сацыяльнае страхаванне і за якую, а таксама ёй самой у прадугледжаных заканадаўствам выпадках выплачваюцца абавязковыя страхавыя ўзносы на сацыяльнае страхаванне.

Закон Рэспублікі Беларусь ад 29.12.2012
№ 7-З «Аб дзяржаўных дапамогах сем'ям, якія выхоўваюць дзяцей» (арт. 19-20).

Дапамога па часовай непрацаздольнасці па доглядзе дзіцяці-інваліда ва ўзросце да 18 гадоў у выпадку яго санаторна-курортнага лячэння, медыцынскай рэабілітацыі.

Права на яго маюць маці (мачаха) або бацька (айчым), усынавіцель (удачарыцель), апякун (папячыцель) дзіцяці-інваліда ва ўзросце да 18 гадоў у выпадку патрэбнасці дзіцяці-інваліда ў доглядзе ў перыяд яго санаторна-курортнага лячэння, медыцынскай рэабілітацыі і пры ўмове, калі догляд дзіцяці-інваліда не ажыццяўляецца іншай асобай, у тым ліку адным з бацькоў, з выплатай дапамогі па доглядзе дзіцяці-інваліда ва ўзросце да 18 гадоў або калі гэта асоба (адзiн з бацькоў) па стану здароўя або ў сувязі з доглядам дзіцяці ва ўзросце да 3 гадоў, іншым дзіцём-інвалідам ва ўзросце да 18 гадоў, хворым дзіцём ва ўзросце да 14 гадоў не мае магчымасці ажыццяўляць догляд дзіцяці-інваліда ў перыяд яго санаторна-курортнага лячэння, медыцынскай рэабілітацыі.

Прызначаецца такая дапамога на ўвесь перыяд (з улікам часу на праезд туды і назад) догляду дзіцяці-інваліда ва ўзросце да 18 гадоў у санаторна-курортных арганізацыях Рэспублікі Беларусь па пераліку, які зацвярджаецца Саветам Міністраў Рэспублікі Беларусь, або медыцынскай рэабілітацыі ў цэнтрах медыцынскай або медыка-сацыяльнай рэабілітацыі Рэспублікі Беларусь, але не больш як на адзін тэрмін санаторна-курортнага лячэння, медыцынскай рэабілітацыі ў каляндарным годзе.

Дапамогі па часовай непрацаздольнасці (па доглядзе за хворым дзіцём-інвалідам ва ўзросце да 18 гадоў; за дзіцём-інвалідам ва ўзросце да 18 гадоў у выпадку хваробы маці або іншай асобы, якая фактычна ажыццяўляе догляд за ім, за дзіцём-інвалідам ва ўзросце да 18 гадоў у выпадку яго санаторна-курортнага лячэння, медыцынскай рэабілітацыі) назначаюцца за каляндарныя дні, засведчаныя лістком непрацаздольнасці, у памеры 100 працэнтаў сярэднядзённага заробку (даходу, узнагароджання), якi вызначаецца ў парадку, устаноўленым Саветам Мiнiстраў Рэспублiкi Беларусь, з першага дня пачатку непрацаздольнасцi.

Закон Рэспублікі Беларусь ад 29.12.2012
№ 7-З «Аб дзяржаўных дапамогах сем'ям, якія выхоўваюць дзяцей» (арт. 19-20).

Пенсійнае забеспячэнне

Маці, якія выхоўвалі дзяцей-інвалідаў (інвалідаў з дзяцінства) не менш за 8 гадоў у перыяд да іх паўналецця, маюць права на пенсію па ўзросце са зніжэннем агульнаўстаноўленага пенсійнага ўзросту на 5 гадоў і пры стажы працы не менш за 20 гадоў, з іх не менш як 5 гадоў стажу работы з выплатай абавязковых страхавых узносаў.

Закон Рэспублікі Беларусь ад 17.04.1992 № 1596-XII «Аб пенсійным забеспячэнні (арт. 5, 20).

Бацькі, якія выхоўвалі дзяцей-інвалідаў (інвалідаў з дзяцінства) не менш за 8 гадоў у перыяд да іх паўналецця, маюць права на пенсію па ўзросце са зніжэннем агульнаўстаноўленага пенсійнага ўзросту на 5 гадоў і пры стажы працы не менш за 25 гадоў (з іх не менш як 5 гадоў стажу працы з выплатай абавязковых страхавых узносаў), калі маці дзіцяці-інваліда (інваліда з дзяцінства) не выкарыстала набытага ёю права на пенсію па ўзросце ў адпаведнасці з часткай першай артыкула 20 і адмовілася ад гэтага права на карысць бацькі або не выкарыстала права на пенсію па ўзросце ў адпаведнасці з часткай першай артыкула 20 у сувязі з яе смерцю.

Сацыяльная пенсія маці і (або) бацькам дзяцей-інвалідаў ва ўзросце да 18 гадоў, якія мелі трэцюю і (або) чацвёртую ступень страты здароўя, прызнаных пасля інвалідамі з дзяцінства I групы, калі адзiн з бацькоў ажыццяўляў догляд за імі не менш 20 гадоў, налічваецца ў памеры 130 працэнтаў найбольшай велічыні БПМ пенсіянера.

Закон «Аб пенсійным забеспячэнні (ч. 2 арт. 73).

Перыяд догляду дзіцяці-інваліда ва ўзросце да 18 гадоў, які ажыццяўляецца працаздольнай асобай, якая не працуе і не мае іншай занятасці, залічваецца ў стаж работы (агульны стаж) для назначэння працоўнай пенсіі.

Закон «Аб пенсійным забеспячэнні (п. «д» арт. 51).

Дзецям-інвалідам ва ўзросце да 18 гадоў прызначаюцца сацыяльныя пенсіі, якія вылічаюцца ў працэнтах ад бюджэту пражытачнага мінімуму, пры ступені страты здароўя: першай - 80 працэнтаў, другой - 85 працэнтаў, трэцяй - 95 працэнтаў, чацвёртай - 110 працэнтаў.

Закон «Аб пенсійным забеспячэнні» (ч. 1 арт. 73).

Інваліды з дзяцінства маюць права на пенсію па ўзросце са зніжэннем агульнаўстаноўленага пенсійнага ўзросту на 5 гадоў пры наяўнасці стажу працы (з іх не менш як 5 гадоў стажу працы з выплатай абавязковых страхавых узносаў):

інваліды з дзяцінства I і II групы - не менш за 20 гадоў у мужчын і не менш за 15 гадоў у жанчын;

Інваліды з дзяцінства III групы - не менш за 25 гадоў у мужчын і не менш за 20 гадоў у жанчын.

Закон «Аб пенсійным забеспячэнні» (арт. 5, 22).

Інвалідам з дзяцінства, інваліднасць якім устаноўлена пажыццёва, пенсія па ўзросце павялічваецца на 50 працэнтаў мінімальнага памеру пенсіі па ўзросце.

Закон «Аб пенсійным забеспячэнні» (ч. 3 арт. 68).

Даведачна.

У 2022 годзе для прызначэння пенсіі па ўзросце на агульных падставах неабходна мець не менш за 18,5 гадоў стажу працы з выплатай абавязковых страхавых узносаў. Указаны стаж павышаецца штогод на 6 месяцаў да 20 гадоў у 2025 годзе.

Асобам, якія да дасягнення агульнаўстаноўленага пенсійнага ўзросту з'яўляліся інвалідамі I і (або) II групы не менш за 21 год, даецца права на працоўную пенсію па ўзросце пры стажы працы не менш за 20 гадоў у мужчын і не менш 15 гадоў у жанчын і пры наяўнасці стажу работы з выплатай абавязковых страхавых узносаў не менш як 5 гадоў.

Закон «Аб пенсійным забеспячэнні» (арт. 5, 22-1).

Людзям з інваліднасцю даецца права на дзяржаўную пенсію.

Пенсія можа быць:

- працоўная;

- ці сацыяльная.

Працоўная пенсія па інваліднасці прызначаецца грамадзянам, якія маюць перыяды працы (з выплатай абавязковых узносаў у фонд сацабароны насельніцтва).

Памер гэтай пенсіі залежыць ад групы інваліднасці:

інвалідам 1 групы - 75 працэнтаў заробку, прынятага для разліку пенсіі. Да гэтай пенсіі дадаткова выплачваецца надбаўка на догляд;

інвалідам 2 групы - 65 працэнтаў заробку, прынятага для разліку пенсіі;

інвалідам 3 групы - 40 працэнтаў заробку, прынятага для разліку пенсіі.

Памер пенсіі залежыць таксама ад мінулага заробку інваліда. Звесткі аб зарплаце ёсць у фондзе сацабароны насельніцтва.

Сацыяльная пенсія прызначаецца дзецям-інвалідам, а таксама дарослым інвалідам, якія не атрымліваюць працоўную пенсію (якія не маюць стажу). Памер гэтай пенсіі таксама залежыць ад групы інваліднасці.

! Важна. Каб перайсці на больш высокую працоўную пенсію, асобе з інваліднасцю трэба набыць стаж працы з выплатай узносаў у фонд сацабароны (хаця б непрацяглы).

Дзяржаўная адрасная сацыяльная дапамога

Прадастаўляецца ў выглядзе:

штомесячнай сацыяльнай дапамогі, калі сярэднедушавы даход сям'і за 12 месяцаў, якія папярэднічаюць месяцу звароту па дапамогу, па аб'ектыўных прычынах ніжэй за найбольшую велічыню бюджэту пражытачнага мінімуму ў сярэднім на душу на насельнiцтва за два апошнія кварталы (крытэрый патрэбнасці). Прызначаецца такая дапамога да 6 месяцаў у годзе. Няпоўным сем'ям, якія выхоўваюць дзіця-інваліда, штомесячная сацыяльная дапамога можа прадастаўляцца на максімальна магчымы тэрмін - 12 месяцаў у годзе;

аднаразовай сацыяльнай дапамогі, калі сям'я апынулася па аб'ектыўных прычынах у цяжкай жыццёвай сітуацыі, парушаючай нармальную жыццядзейнасць, пры ўмове, што яе сярэднедушавы даход складае не больш за 1,5 велічыні крытэрыю патрэбнасці. Памер яе ўстанаўліваецца ў залежнасці ад цяжкай жыццёвай сітуацыі, у якой знаходзіцца сям'я (грамадзянін), у суме, якая не перавышае 10-разовага памеру БПМ у сярэднім на душу насельніцтва, якi дзейнічае на дату прыняцця рашэння аб прадастаўленні дзяржаўнай адраснай сацыяльнай дапамогі ў выглядзе аднаразовай сацыяльнай дапамогі. Прызначаецца, як правіла, 1 раз на працягу каляндарнага года;

сацыяльнай дапамогі для кампенсацыі затрат на набыццё падгузнікаў (незалежна ад велічыні сярэднедушавога даходу сям'і (грамадзяніна)) дзецям-інвалідам ва ўзросце да 18 гадоў, якія маюць IV ступень страты здароўя ). Памер дапамогі ўстанаўліваецца зыходзячы з дакументальна пацверджаных фактычных расходаў на набыццё падгузнікаў, у суме, не большай за 1,5-разовы памер бюджэту пражытачнага мінімуму. Прадастаўляецца чатыры разы на працягу каляндарнага года, але не больш за адзін раз у месяц.

Указ Прэзідэнта Рэспублікі Беларусь ад 19.01.2012 № 41 «Аб дзяржаўнай адраснай сацыяльнай дапамозе».

Ільготы інвалідам і дзецям-інвалідам паводле Закона Рэспублікі Беларусь «Аб дзяржаўных сацыяльных ільготах, правах і гарантыях для асобных катэгорый грамадзян».

Інваліды I і II групы

90-працэнтная скідка з кошту лекавых сродкаў, якія выдаюцца па рэцэптах урачоў;

бясплатны выраб і рамонт зубных пратэзаў (за выключэннем пратэзаў з каштоўных металаў і дарагіх матэрыялаў) у дзяржаўных арганізацыях аховы здароўя па месцы жыхарства;

забеспячэнне тэхнічнымі сродкамі сацыяльнай рэабілітацыі ў адпаведнасці з Дзяржаўным рэестрам (пералікам) тэхнічных сродкаў сацыяльнай рэабілітацыі;

бясплатны праезд на гарадскім і прыгарадным грамадскім пасажырскім транспарце агульнага карыстання (акрамя таксі), гарадскім электрычным транспарце і ў метрапалітэне, а таксама на міжгароднім аўтамабільным транспарце агульнага карыстання ў межах межаў раёна па месцы жыхарства

ВАЖНА: такое права мае любая асоба, якая суправаджае інваліда I групы

50-працэнтная скідка з платы за тэхнічнае абслугоўванне і (або) карыстанне жылым памяшканнем у межах 20 квадратных метраў агульнай плошчы займаемага жылога памяшкання і
50-працэнтная скідка з платы за тэхнічнае абслугоўванне ліфта і камунальныя паслугі (гарачае і халоднае водазабеспячэнне, водаадвядзенне (каналізацыя), газа-, электра- і цеплазабеспячэнне, абыходжанне з цвёрдымі камунальнымі адходамі, забеспячэнне звадкаваным вуглевадародным газам ад індывідуальных балонных або рэзервуарных установак) па ўстаноўленых у адпаведнасці з заканадаўствам субсідуемых дзяржавай тарыфах (цэнах) для насельніцтва ў межах зацверджаных норм спажывання, а пражываючым у дамах без цэнтральнага ацяплення - за паліва, якое набываецца ў межах норм, устаноўленых заканадаўствам для продажу насельніцтву

ВАЖНА: дадзеная льгота распаўсюджваецца на інвалідаў I і II групы, якія не маюць працаздольных членаў сям'і, абавязаных па законе іх утрымліваць, і пражываючых адны або толькі з інвалідамі I або II групы і (або) з непрацуючымі пенсіянерамі, якія дасягнулі агульнаўстаноўленага пенсійнага ўзросту;

першачарговае бясплатнае санаторна-курортнае лячэнне (пры наяўнасці медыцынскіх паказанняў і адсутнасці медыцынскіх супрацьпаказанняў) або аздараўленне (пры адсутнасці медыцынскіх супрацьпаказанняў) (для непрацуючых інвалідаў I, II груп) не больш за адзін раз у два гады

ВАЖНА: асобы, якія суправаджаюць інвалідаў I групы ў санаторна-курортныя ці аздараўленчыя арганізацыі, таксама забяспечваюцца пуцёўкамі на санаторна-курортнае лячэнне або аздараўленне бясплатна (без лячэння) пры ўмове, што неабходнасць у такім суправаджэнні пацвярджаецца заключэннем урачэбна-кансультацыйнай камісіі дзяржаўнай арганізацыі аховы здароўя

Інваліды III групы

50-працэнтная скідка з кошту лекавых сродкаў, выдаваемых па рэцэптах урачоў у межах пераліку асноўных лекавых сродкаў у парадку, што вызначаецца Урадам Рэспублікі Беларусь, для лячэння захворвання, якое прывяло да інваліднасці

Дзеці-інваліды

бясплатнае забеспячэнне лекавымі сродкамі, якія выдаюцца па рэцэптах урачоў;

бясплатны выраб і рамонт зубных пратэзаў (за выключэннем пратэзаў з каштоўных металаў і дарагіх матэрыялаў) у дзяржаўных арганізацыях аховы здароўя па месцы жыхарства;

бясплатнае або на льготных умовах забеспячэнне тэхнічнымі сродкамі сацыяльнай рэабілітацыі, уключаючы тэхнічныя сродкі для перамяшчэння, рэабілітацыйныя прыстасаванні, пратэзна-артапедычныя вырабы, сродкі пры парушэнні органаў зроку і (або) слыху і інш.;

бясплатнае першачарговае санаторна-курортнае лячэнне (пры наяўнасці медыцынскіх паказанняў і адсутнасці медыцынскіх супрацьпаказанняў) або аздараўленне (пры адсутнасці медыцынскіх супрацьпаказанняў).

ВАЖНА: асобы, якія суправаджаюць дзяцей-інвалідаў у санаторна-курортныя ці аздараўленчыя арганізацыі, забяспечваюцца пуцёўкамі на санаторна-курортнае лячэнне або аздараўленне бясплатна (без лячэння) пры ўмове, што неабходнасць у такім суправаджэнні пацвярджаецца заключэннем урачэбна-кансультацыйнай камісіі дзяржаўнай арганізацыі аховы здароўя;

бясплатны праезд на грамадскім пасажырскім транспарце агульнага карыстання, які ажыццяўляе гарадскія і прыгарадныя перавозкі пасажыраў у рэгулярных зносінах, гарадскім электрычным транспарце і ў метрапалітэне, а таксама на аўтамабільным транспарце агульнага карыстання, які ажыццяўляе міжгароднія аўтамабільныя перавозкі пасажыраў у рэгулярных зносінах, у межах межаў раёна па месцы жыхарства.

ВАЖНА: такое права мае любая асоба, якая суправаджае дзіця-інваліда.

ВАЖНА: дзеянне норм гэтага Закона не распаўсюджваецца на льготы, прадугледжаныя падатковым заканадаўствам, заканадаўствам аб мытным рэгуляванні, заканадаўствам у сферы адукацыі, жыллёвым (за выключэннем сацыяльных ільгот па плаце за тэхнічнае абслугоўванне, карыстанне жылымі памяшканнямі, тэхнічнае абслугоўванне ліфта і камунальныя паслугі), зямельным, працоўным і пенсійным заканадаўствам (артыкул 5 Закона).

ВАЖНА: рэалізацыя права чалавека з інваліднасцю на сацыяльныя льготы ажыццяўляецца пры прад'яўленні пасведчання інваліда, якое выдаецца медыка-рэабілітацыйнай экспертнай камісіяй пасля праходжання медыка-сацыяльнай экспертызы (пастанова Савета Міністраў Рэспублікі Беларусь ад 13.12. 2007 № 1738 "Аб зацвярджэнні Палажэння аб парадку прадстаўлення дакументаў, на падставе якіх ажыццяўляецца рэалізацыя права на дзяржаўныя сацыяльныя льготы, правы і гарантыі асобнымі катэгорыямі грамадзян")

Калі грамадзянін мае права на адну і тую ж сацыяльную льготу па некалькіх падставах, прадугледжаных Законам, льгота прадастаўляецца па яго выбары па адной з падстаў.

Пры выяўленні неправамернасці выдачы дакументаў, на падставе якіх ажыццяўляецца права на сацыяльныя льготы, органы, якія выдалі такія дакументы, адбіраюць іх. Дакументы могуць быць канфіскаваны і ў іншых выпадках і парадку, прадугледжаных заканадаўствам.

Сацыяльныя паслугі

Паслугі пагадзіннага догляду дзяцей (паслуга няні) - прадастаўляюцца тэрытарыяльнымі цэнтрамі сацыяльнага абслугоўвання насельніцтва бясплатна сем'ям, якія выхоўваюць дзіця-інваліда, - да дасягнення дзіцём-інвалідам узросту 18 гадоў, не больш за 20 гадзін у тыдзень.

Гэтыя паслугі маюць на ўвазе аказанне дапамогі ў доглядзе і (або) кароткачасовае (на працягу дня) вызваленне бацькоў ад догляду дзіцяці, прадастаўляюцца такія паслугі ў дзённы час па працоўных днях.

Даведачна.

Паслугі няні не прадастаўляюцца ў выпадку, калі:

дзіця (дзіця-інвалід) атрымлівае асноўную або спецыяльную адукацыю ва ўстановах адукацыі (за выключэннем атрымання адукацыі дома);

дзіця-інвалід атрымлівае асноўную або спецыяльную адукацыю ва ўстановах адукацыі, а дадатковую адукацыю для дзяцей і моладзі - дома;

Прадастаўляюцца паслугі ў форме паўстацыянарнага сацыяльнага абслугоўвання, а таксама паслуга сацыяльнай перадышкі;

догляд за дзіцём-інвалідам (дзецьмі-інвалідамі) з атрыманнем дапамогі па доглядзе за дзіцём-інвалідам ажыццяўляе іншая асоба, якая не з'яўляецца адным з бацькоў (маці (мачахай), бацькам (айчымам), законным прадстаўніком (пункт 38 Інструкцыі аб парадку і ўмовах аказання сацыяльных паслуг дзяржаўнымі ўстановамі сацыяльнага абслугоўвання, зацверджанай пастановай Міністэрства працы і сацыяльнай абароны Рэспублікі Беларусь ад 26 студзеня 2013 г. № 11 "Аб некаторых пытаннях аказання сацыяльных паслуг дзяржаўнымі арганізацыямі, якія аказваюць сацыяльныя паслугі") .

Паслугі сацыяльнай перадышкі – маюць на ўвазе кароткачасовае, на тэрмін не больш за 56 сутак у каляндарным годзе і не больш за 28 сутак запар, вызваленне бацькоў ад догляду дзіцяці-інваліда ў мэтах прадастаўлення ім магчымасці для аднаўлення сіл, рашэння сямейна-бытавых пытанняў. Гэтыя паслугі прадастаўляюцца дамамі-інтэрнатамі для дзяцей-інвалідаў на платнай аснове (аплачваецца толькі кошт харчавання).

Паслуга аказваецца на платнай аснове, але з захаваннем усіх грашовых выплат, што атрымліваюцца на дзіця (у тым ліку сацыяльнай пенсіі, дапамогі па доглядзе дзіцяці-інваліда ва ўзросце да 18 гадоў, іншых дапамог на дзяцей).

Закон Рэспублікі Беларусь ад 22 мая 2000 г. № 395-З "Аб сацыяльным абслугоўванні" (арт. 30),

Пералік бясплатных і агульнадаступных сацыяльных паслуг дзяржаўных устаноў сацыяльнага абслугоўвання з нормамі і нарматывы забяспечанасці грамадзян гэтымі паслугамі, зацверджаны пастановай Савета Міністраў Рэспублікі Беларусь ад 27.12.2012 № 1218 (п. 23 ),

Інструкцыя аб парадку і ўмовах аказання сацыяльных паслуг дзяржаўнымі ўстановамі сацыяльнага абслугоўвання, зацверджаная пастановай Міністэрства працы і сацыяльнай абароны Рэспублікі Беларусь ад 26 студзеня 2013 г. № 11 (п. 17, 29, 33).

Закон Рэспублікі Беларусь ад 22 мая 2000 г. № 395-З "Аб сацыяльным абслугоўванні" (арт. 30). Пералік бясплатных і агульнадаступных сацыяльных паслуг дзяржаўных устаноў сацыяльнага абслугоўвання з нормамі і нарматывамі забяспечанасці грамадзян гэтымі паслугамі, зацверджаны пастановай Савета Міністраў Рэспублікі Беларусь ад 27.12.2012 № 1218 (п. 12),

Інструкцыя аб парадку і ўмовах аказання сацыяльных паслуг дзяржаўнымі ўстановамі сацыяльнага абслугоўвання, зацверджаная пастановай Міністэрства працы і сацыяльнай абароны Рэспублікі Беларусь ад 26 студзеня 2013 г. № 11 (п. 11-1).

Меры падтрымкі ў сферы аховы здароўя

Бясплатнае забеспячэнне дзяцей-інвалідаў лекавымі сродкамі, якія выдаюцца па рэцэптах урачоў у межах пераліку асноўных лекавых сродкаў у парадку, які вызначаецца Урадам Рэспублікі Беларусь.

Закон Рэспублікі Беларусь ад 14.06.2007 № 239-З "Аб дзяржаўных сацыяльных ільготах, правах і гарантыях для асобных катэгорый грамадзян" (падп. 1.13 п. 1 артыкул 10).

Бясплатны выраб і рамонт зубных пратэзаў (за выключэннем пратэзаў з каштоўных металаў, металаакрылатаў, (металакампазітаў), металакерамікі і фарфору, а таксама нанясення ахоўна-дэкаратыўнага пакрыцця з нітрыд-тытану) дзецям -інвалідам у дзяржаўных арганізацыях аховы здароўя па месцы жыхарства.

Закон Рэспублікі Беларусь ад 14.06.2007 № 239-З "Аб дзяржаўных сацыяльных ільготах, правах і гарантыях для асобных катэгорый грамадзян" (падп. 10.1 п. 10 арт.12).

Забеспячэнне тэхнічнымі сродкамі сацыяльнай рэабілітацыі (бясплатна або на льготных умовах) у адпаведнасці з Дзяржаўным рэестрам (пералікам) тэхнічных сродкаў сацыяльнай рэабілітацыі ў парадку і на ўмовах, якія вызначаюцца Урадам Рэспублікі Беларусь.

Палажэнне аб парадку забеспячэння грамадзян тэхнічнымі сродкамі сацыяльнай рэабілітацыі органамі па працы, занятасці і сацыяльнай абароне, зацверджанае Пастановай Савета Міністраў Рэспублікі Беларусь ад 11.12.20074 № 1722 "Аб Дзяржаўным рэестры (пераліку) тэхнічных сродкаў сацыяльнай рэабілітацыі і парадку забеспячэння імі асобных катэгорый грамадзян".

Першачарговае бясплатнае санаторна-курортнае лячэнне (пры наяўнасці медыцынскіх паказанняў і адсутнасці медыцынскіх супрацьпаказанняў) або аздараўленне (пры адсутнасці медыцынскіх супрацьпаказанняў) дзіцяці-інваліда.

Асоба, якая суправаджае дзіця-інваліда ва ўзросце да 18 гадоў у санаторна-курортныя або аздараўленчыя арганізацыі, забяспечваецца пуцёўкамі на санаторна-курортнае лячэнне або аздараўленне бясплатна (без лячэння) пры ўмове, што неабходнасць у такім суправаджэнні пацвярджаецца заключэннем урачэбна-кансультацыйнай камісіі дзяржаўнай арганізацыі аховы здароўя.

Закон Рэспублікі Беларусь ад 14.06.2007 № 239-З "Аб дзяржаўных сацыяльных ільготах, правах і гарантыях для асобных катэгорый грамадзян" (падп. 4.7 п 4, п. 5 арт.12).

Меры падтрымкі ў сферы адукацыі

З бацькоў, якія выхоўваюць дзяцей-інвалідаў, дзяцей, якія пакутуюць ад анкалагічных захворванняў, хворых на туберкулёз, інфікаваных вірусам імунадэфіцыту чалавека, не спаганяецца плата за харчаванне ва ўстановах, якія забяспечваюць атрыманне дашкольнай адукацыі.

Пастанова Савета Міністраў Рэспублікі Беларусь ад 29 лютага 2008 г. № 307 "Аб памеры і парадку спагнання платы за харчаванне дзяцей, якія атрымліваюць дашкольную адукацыю, спецыяльную адукацыю на ўзроўні дашкольнай адукацыі" (п 4).

Бясплатным харчаваннем забяспечваюцца:

навучэнцы ўстаноў агульнай сярэдняй адукацыі з ліку дзяцей-інвалідаў, якія навучаюцца ў пачатковых школах, базавых школах, сярэдніх школах, гімназіях, ліцэях, вучэбна-педагагічных комплексах (двух- або трохразовым харчаваннем у залежнасці ад працягласці знаходжання ва ўстанове адукацыі);

навучэнцы ў спецыяльных агульнаадукацыйных школах (спецыяльных агульнаадукацыйных школах-інтэрнатах), дапаможных школах (дапаможных школах-інтэрнатах), цэнтрах карэкцыйна-развіваючага навучання і рэабілітацыі на перыяд навучання бясплатна забяспечваюцца гэтымі ўстановамі адукацыі харчаваннем (двух -, трох- ці чатырохразовым харчаваннем у залежнасці ад працягласці знаходжання ва ўстанове адукацыі).

ПастановаСавета Міністраў Рэспублікі Беларусь ад 21.02.2005 № 177 «Аб зацвярджэнні Палажэння аб арганізацыі харчавання навучэнцаў, якія атрымліваюць агульную сярэднюю адукацыю, спецыяльную адукацыю на ўзроўні агульнай сярэдняй адукацыі»(п. 1 ).

Бясплатнае карыстанне падручнікамі і вучэбнымі дапаможнікамі ўсталёўваецца для:

асоб з асаблівасцямі псіхафізічнага развіцця;

дзяцей-інвалідаў ва ўзросце да 18 гадоў, інвалідаў з дзяцінства;

асоб, якія асвойваюць змест адукацыйнай праграмы дашкольнай адукацыі і пакутуюць ад анкалагічных захворванняў або хворых на туберкулёз;

навучэнцаў з сем'яў, у якіх адзін або абодва бацькі з'яўляюцца інвалідамі І ці ІІ групы.

Кодэкс Рэспублікі Беларусь аб адукацыі (ч. другая арт. 39).

Дзеці-інваліды маюць пераважнае права на залічэнне ў сярэднія спецыяльныя ўстановы адукацыі пры аднолькавай агульнай суме балаў.

Указ Прэзідэнта Рэспублікі Беларусь ад 07.02.2006 № 80 "Аб правілах прыёму асоб для атрымання вышэйшай адукацыі I ступені і сярэдняй спецыяльнай адукацыі".

Не спаганяецца плата за прыём і афармленне дакументаў для ўдзелу ў цэнтралізаваным тэсціраванні з абітурыентаў, якія адносяцца да катэгорыі дзяцей-інвалідаў ва ўзросце да 18 гадоў.

Пастанова Савета Міністраў Рэспублікі Беларусь ад 16.04.2008 № 565 "Аб спагнанні платы за прыём і афармленне дакументаў для ўдзелу абітурыентаў у цэнтралізаваным тэсціраванні і ўнясенні дапаўненняў і змяненняў у некаторыя пастановы Савета Міністраў Рэспублікі Беларусь".

Права на атрыманне сацыяльнай стыпендыі ва ўстановах прафесійна-тэхнічнай, сярэдняй спецыяльнай або вышэйшай адукацыі ў выпадку не атрымання навучальнай стыпендыі прадастаўлена асобам, якія маюць інваліднасць.

Кодэкс Рэспублікі Беларусь аб адукацыі (арт. 42).

Кіраўнікі дзяржаўных устаноў адукацыі маюць права прадастаўляць у перыяд атрымання вышэйшай, сярэдняй спецыяльнай адукацыі скiдкі са сфарміраванага кошту навучання ў парадку і памерах, вызначаных Урадам Рэспублікі Беларусь, студэнтам і навучэнцам, якія з'яўляюцца дзецьмі-інвалідамі ва ўзросце да 18 гадоў

Указ Прэзідэнта Рэспублікі Беларусь ад 28.02.2006 № 126 "Аб некаторых пытаннях атрымання вышэйшай і сярэдняй спецыяльнай адукацыі на платнай аснове" (падп. 1.2 п. 1).

Ільготы па праездзе

Бясплатны праезд на ўсіх відах гарадскога і прыгараднага пасажырскага транспарту (акрамя таксі) незалежна ад месца жыхарства. Гэта льгота прадастаўляецца дзіцяці-інваліду ва ўзросце да 18 гадоў, а таксама асобе, якая суправаджае дзіця-інваліда ва ўзросце да 18 гадоў.

Закон Рэспублікі Беларусь ад 14.06.2007 № 239-З "Аб дзяржаўных сацыяльных ільготах, правах і гарантыях для асобных катэгорый грамадзян" (п. 13 і 17 артыкула 13, пункт 1.12, 1.17 пункта 1 арт. 14).

Прававыя гарантыі ў сферы працоўных адносін

Працуючым маці (мачасе) або бацьку (айчыму), апекуну, папячыцелю, сумяшчаючым догляд за дзіцём-інвалідам з працай, даецца адзін вольны ад працы дзень у тыдзень і у месяц з аплатай у памеры сярэдняга заробку.

Свабодны дзень у тыдзень прадастаўляецца пры ўмове, калі работнік заняты на працы не менш за 5 дзён з працягласцю працоўнага часу ў тыдзень на працягу 40 гадзін (пры нармальнай працягласці працоўнага часу) або менш за 40 гадзін (пры скарочанай працягласці працоўнага часу).

Даведачна.

Пры вызначэнні права работніка на вольны дзень у тыдзень працоўны тыдзень разглядаецца ў межах каляндарнага тыдня (з панядзелка па нядзелю ўключна), працоўны дзень – у межах сутак (ад 0 да 24 гадзін уключна), у тыднёвую працягласць працоўнага часу ўключаецца працягласць вольнага дня ў тыдзень, які прадастаўляецца ў гэты тыдзень.

Пры скарачэнні працягласці працы ў працоўныя дні ў адпаведнасці з артыкуламі 116, 117, 215 Працоўнага кодэкса Рэспублікі Беларусь вольны дзень у тыдзень прадастаўляецца.

У поўнай сям'і вольны дзень у тыдзень прадастаўляецца аднаму з працуючых бацькоў пры ўмове, калі іншы з бацькоў працуе або мае іншыя віды занятасці.

Працуючы бацька (айчым) дзіцяці-інваліда ў поўнай сям'і мае права на вольны дзень у тыдзень таксама ў выпадку, калі маці (мачаха) дзіцяці-інваліда знаходзіцца ў водпуску па доглядзе дзіцяці да дасягнення ім узросту 3 гадоў або ажыццяўляе догляд за дзіцём-інвалідам з атрыманнем адпаведнай дапамогі па доглядзе.

Права на дадатковыя вольныя дні можа быць выкарыстана маці (мачахай) або бацькам (айчымам) або падзелена названымі асобамі паміж сабой па іх меркаванні. Напрыклад, вольным ад працы днём у месяц можа скарыстацца ў адным месяцы маці (мачаха), у іншым - бацька (айчым), аналагічна і з вольным ад працы днём у тыдзень.

Дадатковы вольны ад працы дзень у тыдзень не даецца ў той тыдзень, у які даецца дадатковы вольны ад працы дзень у месяц. Такім чынам, у адзін з тыдняў месяца можа быць прадастаўлены адзін свабодны ад прпацы дзень у месяц (з аплатай за кошт сродкаў дзяржаўнага сацыяльнага страхавання), у астатнія тыдні гэтага месяца можна скарыстацца свабоднымі ад працы днямі ў тыдзень (з аплатай за кошт сродкаў наймальніка) пры выкананні ўмоў занятасці.

Працоўны кодэкс Рэспублікі Беларусь (арт. 265).

Пастанова Міністэрства працы і сацыяльнай абароны Рэспублікі Беларусь ад 11.06.2014 № 34 "Аб парадку і ўмовах прадастаўлення дадатковых свабодных ад працы дзён".

Прыцягненне да начных, звышурочных работ, да работ у дзяржаўныя святы, святочныя і выхадныя дні і накіраванне ў камандзіроўку жанчын, якія маюць дзяцей-інвалідаў ва ўзросце да 18 гадоў, дазваляецца толькі з іх згоды.

Працоўны кодэкс Рэспублікі Беларусь (арт. 263).

Пры складанні графіка працоўных водпускаў наймальнік абавязаны запланаваць па жаданні маці (мачахі), бацькi (айчыма), якія маюць на выхаванні дзіцяці-інваліда ва ўзросце да 18 гадоў, адпачынак у летнi ці іншы зручны час. Таксама наймальнік абавязаны прадаставіць працоўны водпуск (асноўны і дадатковы) за першы працоўны год да заканчэння шасці месяцаў працы, па жаданні маці (мачахі), бацькі (айчыма). Дадаткова наймальнік абавязаны па жаданню жанчыны, якая мае дзіця-інваліда ва ўзросце да 18 гадоў, прадаставіць водпуск без захавання заработнай платы працягласцю да 14 каляндарных дзён на працягу каляндарнага года.

Працоўны кодэкс Рэспублікі Беларусь (арт. 166, 168 і 189).

Забараняецца адмаўляць жанчыне ў заключэнні працоўнай дамовы і зніжаць ёй заработную плату па матывах, звязаных з наяўнасцю дзіцяці-інваліда ва ўзросце да 18 гадоў.

Працоўны кодэкс Рэспублікі Беларусь (арт. 268).

Скасаванне працоўнага дагавора па ініцыятыве наймальніка ў сувязі са скарачэннем колькасці або штата работнікаў (пункт 1 артыкула 42 Працоўнага кодэкса Рэспублікі Беларусь) і ў выпадку, прадугледжаным пунктам 5 артыкула 42 Працоўнага кодэкса Рэспублікі Беларусь (няяўка на працу на працягу больш за чатыры месяцы запар) з прычыны часовай непрацаздольнасці (не лічачы водпуску па цяжарнасці і родах), калі заканадаўствам не ўстаноўлены больш працяглы тэрмін захавання месца працы, пасады служачага (прафесіі рабочага) пры пэўным захворванні), з адным з адзінокіх бацькоў, якія маюць дзіця-інваліда ва ўзросце да 18 гадоў, не дапускаецца.

Меры падтрымкі ў сферы падаткаабкладання

Працуючым бацькам, якія выхоўваюць дзяцей-інвалідаў ва ўзросце да 18 гадоў, устаноўлены льготы па падаходным падатку - штомесячны стандартны падатковы вылік з 1 студзеня 2022 г. складае 75 руб. на кожнае дзіця, якое выхоўваецца ў такой сям'і, у тым ліку не з'яўляецца інвалідам (сем'ям з адным дзіцём - 40 руб.). Стандартны падатковы вылік прадастаўляецца абодвум бацькам, якія выхоўваюць дзіця-інваліда.

Падатковы кодэкс Рэспублікі Беларусь (арт. 209, 340).

Для бацькоў - плацельшчыкаў адзінага падатку, якія выхоўваюць дзяцей-інвалідаў ва ўзросце да 18 гадоў, стаўкі адзінага падатку паніжаюцца на 20 працэнтаў.

Для працуючых дзяцей-інвалідаў ва ўзросце да 18 гадоў:

стандартны падатковы вылік складае з 01.01.2022 190 руб. у месяц (для не льготных катэгорый - 135 руб. у месяц)

пры прыёме на працу не ўстанаўліваецца папярэдняе выпрабаванне;

для індывідуальных прадпрымальнікаў (іншых фізічных асоб) стаўкі адзінага падатку зніжаюцца на 20 працэнтаў.

Меры падтрымкі ў сферы жыллёвых адносін і па аплаце камунальных паслуг

Права на атрыманне жылога памяшкання сацыяльнага карыстання дзяржаўнага жыллёвага фонду маюць тыя, хто стаіць на ўліку маючых патрэбу ў паляпшэнні жыллёвых умоў:

грамадзяне, якія маюць захворванні, і грамадзяне, у складзе сем'яў якіх ёсць дзеці, якія маюць захворванні, указаныя ў пераліку, што вызначаецца Міністэрствам аховы здароўя, пры наяўнасці якіх прызнаецца немагчымым сумеснае пражыванне з асобамі, якія пакутуюць імі, у адным пакоі або аднапакаёвай кватэры;

грамадзяне, у складзе сем'яў якіх ёсць дзеці-інваліды;

інваліды I і II групы.

Указ Прэзідэнта Рэспублікі Беларусь ад 16.12.2013 № 563 «Аб некаторых пытаннях прававога рэгулявання жыллёвых адносін» (п. 63 Палажэння аб уліку грамадзян, якія маюць патрэбу ў паляпшэнні жыллёвых умоў , і аб парадку выдзялення жылых памяшканняў дзяржаўнага жыллёвага фонду, зацверджанага гэтым Указам).

Права на сумеснае выкарыстанне льготнага крэдыту і аднаразовай субсідыі на будаўніцтва (рэканструкцыю) або набыццё жылых памяшканняў прадастаўлена малазабяспечаным грамадзянам, у складзе сем'яў якіх ёсць дзеці-інваліды, а таксама інваліды з дзяцінства І і ІІ групы.

Указ Прэзідэнта Рэспублікі Беларусь ад 06.01.2012 № 13 "Аб некаторых пытаннях прадастаўлення грамадзянам дзяржаўнай падтрымкі пры будаўніцтве (рэканструкцыі) або набыцці жылых памяшканняў" (падп. 1.3).

Права на атрыманне субсідыі на выплату часткі працэнтаў за карыстанне крэдытам, выдадзеным на будаўніцтва (рэканструкцыю) жылога памяшкання ў памеры стаўкі рэфінансавання Нацбанка, зменшанай на 2 працэнтныя пункты, але не больш за працэнтную стаўку па крэдыце, устаноўленым крэдытнай дамовай

Указ Прэзідэнта Рэспублікі Беларусь ад 04.07.2017 № 240 "Аб дзяржаўнай падтрымцы грамадзян пры будаўніцтве (рэканструкцыі) жылых памяшканняў" (абз. 2 падп. 1.2, абз. 5 падп. 1.8 ).

Права на атрыманне субсідыі на пагашэнне асноўнага доўгу па крэдыце, выдадзенага на будаўніцтва (рэканструкцыю) жылога памяшкання маюць сем'і з дзецьмі-інвалідамі, якія адносяцца да маладых і малазабяспечаным на дату падачы заявы аб прадастаўленні субсідыі на выплату часткі працэнтаў, пры нараджэнні (усынаўленні, удачарэнні) першага дзіцяці - 10% ад сумы асноўнага доўгу па крэдыце, пры нараджэнні (усынаўленні, удачарэнні) другога дзіцяцi - 20% ад сумы асноўнага доўгу па крэдыце.

Указ Прэзідэнта Рэспублікі Беларусь ад 04.07.2017 № 240 "Аб дзяржаўнай падтрымцы грамадзян пры будаўніцтве (рэканструкцыі) жылых памяшканняў" (абз. 1, ч. другая падп. 1.10).

Плата за паслугі газазабеспячэння, забеспячэння звадкаваным вуглевадародным газам ад індывідуальных балонных установак сем'ямі, якія выхоўваюць дзіця-інваліда, ажыццяўляецца па субсідуемых тарыфах для насельніцтва без прымянення ўстаноўленага парадку спагнання дыферэнцыраванай платы.

Пастанова Савета Міністраў Рэспублікі Беларусь ад 12.06.2014 № 571 (п. 10 Палажэння аб парадку разлікаў і ўнясення платы за жыллёва-камунальныя паслугі і платы за карыстанне жылымі памяшканнямі дзяржаўнага жыллёвага фонду, а таксама кампенсацыі расходаў на электраэнергію, зацверджанае гэтай пастановай).

Іншыя льготы і гарантыі

З 05.06.2020 бацькам (усынавіцелям, удачарыцелям), апекунам (папячыцелям) дзяцей-інвалідаў ва ўзросце да 18 гадоў кампенсуецца 50 працэнтаў мытных пошлін, падаткаў, якія падлягаюць выплаце пры ўвозе на тэрыторыю Рэспублікі Беларусь транспартных сродкаў для асабістага карыстання, за выключэннем водных і паветраных суднаў.

Кампенсацыя ажыццяўляецца з рэспубліканскага бюджэту аднаразова на працягу года фізічным асобам, якія пастаянна пражываюць на тэрыторыі Рэспублікі Беларусь.

Даведачна.

Вылічэнне года пачынаецца з 00 гадзін 00 хвілін дня выпуску транспартнага сродку ў свабоднае абарачэнне з кампенсацыяй 50 працэнтаў мытных пошлін, падаткаў. Гэта значыць, калі транспартны сродак увезены з кампенсацыяй, напрыклад, 1 мая 2019 года, то наступны транспартны сродак з кампенсацыяй можна ўвезці праз год, пачынаючы з 2 мая 2020 года.

Указ Прэзідэнта Рэспублікі Беларусь ад 10.04.2019 № 140 "Аб кампенсацыі мытных пошлін, падаткаў".

Грамадзянам, якія маюць дзіця-інваліда, даецца адтэрміноўка ад прызыву на тэрміновую ваенную службу, службу ў рэзерве.

Закон Рэспублікі Беларусь ад 05.11.1992 №1914-XII "Аб воінскім абавязку і воінскай службе" (арт. 32).