Сацыяльнае партнёрства
Працягваецца сумесная работа па развіцці сацыяльнага партнёрства ў Віцебскай вобласці, аснову якога складае абласное трохбаковае пагадненне паміж Віцебскім абласным выканаўчым камітэтам, Віцебскім абласным саюзам наймальнікаў і Віцебскім абласным аб'яднаннем прафсаюзаў на 2019 - 2024 гады, мерапрыемствы якога накіраваны на забеспячэнне сацыяльна-працоўных, эканамічных, прававых гарантый работнікаў усіх форм уласнасці і насельніцтва.
На аснове абласнога трохбаковага пагаднення раённымі (гарадскімі) выканаўчымі камітэтамі (далей - райгарвыканкамы) рэалізуецца комплекс мер па захаванні гарантый у сацыяльна-працоўнай сферы ў рамках трохбаковых пагадненняў у раёнах (гарадах) вобласці.
На 01.01.2024 у Віцебскай вобласці дзейнічае 104 мясцовых пагадненняў (на абласным узроўні - 11, раённым (гарадскім) узроўні - 93), налічваецца каля 3,5 тысяч арганізацый, у якіх заключана (дзейнічае) калектыўная дамова. Ахоп калектыўна-дагаворным рэгуляваннем працоўных адносін у эканоміцы вобласці складае 92,9 працэнта.
Нараўне з абласным трохбаковым пагадненнем дзейнічае 10 абласных тарыфных, 70 раённых і гарадскіх галіновых пагадненняў і 23 мясцовыя пагадненні.
На пасяджэннях абласнога савета па працоўных і сацыяльных пытаннях у 2023 годзе разгледжаны пытанні выканання бакамі абласнога трохбаковага пагаднення, недапушчэння неабгрунтаванага росту цэн на спажывецкія тавары ў арганізацыях гандлю Віцебскай вобласці, выканання Комплекса мерапрыемстваў на 2022-2023 гады, накіраваных на скарачэнне дэфіцыту рабочых прафесій, удасканалення мер прафілактыкі прафесійнага і вытворчага абумоўленага захворвання работнікаў прадпрыемстваў па вытворчасці машын і абсталявання, ролі наймальнікаў у пытаннях сацыяльна-эканамічнага развіцця Віцебскай вобласці, рэалізацыі Указа Прэзідэнта Рэспублікі Беларусь ад 15.07.1995 № 278 «Аб развіцці сацыяльнага партнёрства ў Рэспубліцы Беларусь» .
У 2023 годзе разгледжаны пытанні выканання трохбаковых пагадненняў на раённым (гарадскім) узроўні, выканання прагнозных паказчыкаў сацыяльна-эканамічнага развіцця раёнаў (гарадоў) вобласці, аказання садзейнічання па стварэнню першасных прафсаюзных арганізацый (далей - ППА), выканання калектыўных дагавораў, у тым ліку захавання заканадаўства аб працы, аб ахове працы, замацавання кадраў, у тым ліку моладзі, арганізацыі занятасці насельніцтва, цэнавой палітыцы, ролі наймальнікаў і прафсаюзаў у пытаннях сацыяльна-эканамічнага развіцця гарадоў (раёнаў) Віцебскай вобласці, прафілактыцы вытворчага траўматызму, арганізацыі аздараўлення і санаторна- курортнага лячэння, развіцця экскурсійна-турыстычнай дзейнасці.
У вобласці арганізавана работа ў рамках Комплекса мер па аказанні садзейнічання ў стварэнні ППА галіновых прафсаюзаў, якія ўваходзяць у Федэрацыю прафсаюзаў Беларусі, на прадпрыемствах усіх форм уласнасці.
Праводзілася шырокая інфармацыйная кампанія, накіраваная на папулярызацыю прафсаюзнага руху, растлумачэнне яго ролі ў абароне правоў працоўных і развіцці калектыўна-дагаворных адносін.
У адпаведнасці з графікамі ажыццяўлялася наведванне прадпрыемстваў і арганізацый з правядзеннем працоўных сустрэч, семінараў з кіраўнікамі і калектывамі працаўнікоў па пытаннях стварэння ППА.
Па выніках праведзенай працы ў 2023 годзе зарэгістравана (пастаўлена на ўлік) 223, у тым ліку па галіновай прыналежнасці: 52 - у арганізацыях гандлю, спажыўкааперацыі і прадпрымальніцтва, 28 - мясцовай прамысловасці і камунальна-бытавых прадпрыемстваў, 26 - транспарту і камунікацый , 20 ‒ АПК, 19 ‒ галін прамысловасці «БЕЛПРАФМАШ»,15 ‒ будаўніцтва і прамысловасці будаўнічых матэрыялаў, па 11 ‒ дзяржаўных і іншых устаноў, лясоў і прыродакарыстання, 10 ‒ культуры, 8 ‒ Белхімпрафсаюза, 6 ‒ аховы здароўя, па 5 банкаўскіх і фінансавых работнікаў, Белэнергапалгаз, 4 – сувязі, 3 ‒ адукацыі і навукі.
Праводзілася работа па павышэнні інвестыцыйнай прывабнасці раёнаў (гарадоў) вобласці, прыцягненню інвестыцыйных рэсурсаў у вытворчую сферу на рэалізацыю праектаў з высокімі навукаёмістымі і рэсурсазберагальнымі тэхналогіямі экспартнай і імпартазамяшчальнай накіраванасці, пашырэнню рынкаў збыту тавараў і паслуг.
Праведзены маніторынгі правільнасці прымянення цэн і тарыфаў з мэтай выканання прагнозных параметраў узроўню інфляцыі, забеспячэння сродкамі індывідуальнай абароны работнікаў арганізацый і прадпрыемстваў, гандлёвых і іншых аб'ектаў.
Па пытаннях выканання працоўнага заканадаўства, забеспячэння своечасовай выплаты заработнай платы, з мэтай прадухілення парушэнняў заканадаўства аб працы за 2023 год спецыялістамі ўпраўленняў па працы, занятасці і сацыяльнай абароне райгарвыканкамаў і камітэта па працы, занятасці і сацыяльнай абароне наведана больш за 390 арганізацый, праведзены 104 семінары, у якіх удзельнічалі больш за 3000 кіраўнікоў і спецыялістаў райгарвыканкамаў, арганізацый раёнаў і гарадоў вобласці, у сродках масавай інфармацыі апублікавана 225 матэрыялаў па пытаннях прымянення заканадаўства аб працы, накіравана 362 рэкамендацыйных лiста.
У рамках трохбаковага супрацоўніцтва забяспечана захаванне правоў і сацыяльна-эканамічных гарантый работнікаў, бяспечных умоў працы.
Сумесная работа па развіцці і ўдасканаленні сістэмы сацыяльнага партнёрства паміж органамі дзяржаўнай улады, наймальнікамі і прафсаюзамі працягваецца.
