Гістарычная даведка

8 студзеня 1918 года	утвораны аддзел дзяржаўнага догляду Віцебскай губернскага Савета працоўных, салдацкіх, сялянскіх і батрацкіх дэпутатаў
1 красавіка 1938 года	утвораны аддзел сацыяльнага забеспячэння Віцебскага аблвыканкама
10 ліпеня 1941 года – 8 сакавіка 1944 года	абласны аддзел сацыяльнага забеспячэння не функцыянаваў у сувязі з часовай акупацыяй г. Віцебска нямецка-фашысцкімі захопнікамі
1963-1964 гады	функцыянавалі аддзелы сацыяльнага забеспячэння ў прамысловым і сельскім аблвыканкамах
26 мая 1994 года	утворана ўпраўленне сацыяльнага забеспячэння Віцебскага аблвыканкама
27 мая 1995 года	упраўленне сацыяльнага забеспячэння перайменавана ва ўпраўленне сацыяльнай абароны Віцебскага аблвыканкама
22 снежня 2001 года	створаны камітэт па працы і сацыяльнай абароне Віцебскага аблвыканкама шляхам зліцця камітэта па працы і ўпраўлення сацыяльнай абароны
1 снежня 2006 года	створаны камітэт па працы, занятасці і сацыяльнай абароне Віцебскага аблвыканкама шляхам аб'яднання камітэта па працы і сацыяльнай абароне з упраўленне службы занятасці насельніцтва

5 студзеня - Дзень работнікаў сацыяльнай абароны

(Указ Прэзідэнта Рэспублікі Беларусь

№ 157 ад 26 сакавіка 1998 года)

Больш чым 100 гадоў таму ў Беларусі быў утвораны камісарыят сацыяльнага забеспячэння, на які ўскладалася задача кіраўніцтва ў вырашэнні сацыяльных праблем. Самі ж ідэі падтрымкі і абароны пажылых людзей, дзяцей і хворых пачалі зараджацца яшчэ ў старажытнасці. У XVII стагоддзі па ўсёй Расіі ствараліся сацыяльныя ўстановы - сіроцкія дамы, бальніцы пры манастырах, прытулкі. У XIX стагоддзі сфармавалася сістэма грамадскага догляду - дзяржаўная сістэма дапамогі людзям, якія не маглі ў сілу розных прычын паклапаціцца пра сябе.

Але гарантаваная дзяржавай на працягу больш за дзевяць дзясяткаў гадоў патэрналісцкая мадэль сацыяльнай дапамогі, на жаль, першапачаткова змяшчала супярэчнасці: бюракратычную сістэму размеркавання фондаў, няздольнасць гнутка рэагаваць на патрэбы людзей, гіперцэнтралізацыю. Усё гэта ў канчатковым выніку прывяло да фармавання ў шматлікіх псіхалогіі сацыяльнага ўтрыманства, апатыі, упэўненасці ў тым, што дзяржава пра цябе паклапоціцца, нават калі ты сам не будзеш прыкладаць да гэтага ніякіх высілкаў. Менавіта такая «спадчына» дасталася ў пачатку 90-х гадоў мінулага стагоддзя Рэспубліцы Беларусь. Неабходна было перайсці да больш гнуткай і справядлівай сістэмы сацыяльнай падтрымкі насельніцтва.

За мінулыя пятнаццаць гадоў у рэспубліцы створана прынцыпова новая мадэль дзяржаўнай сацыяльнай падтрымкі насельніцтва. Новая мадэль заснавана на прынцыпах адраснасці, выяўленчага характару і комплекснага падыходу да вырашэння праблем кожнага чалавека, кожнай сям'і.

Спісачная колькасць работнікаў сістэмы камітэта на 1 студзеня 2024 г. склала 6678 чалавек, у тым ліку: камітэт - 50 чалавек, упраўленнi райгарвыканкамаў - 354 чалавекі, ТЦСАН -4045 чалавек, дамы-інтэрнаты - 2215 чалавек, цэнтры БПМЖ - 19 чалавек. Спісачная колькасць дзяржаўных служачых камітэта і ўпраўленняў райгарвыканкамаў складае 349 чалавекі.