Садзейнічанне занятасці грамадзян, абавязаных кампенсаваць расходы на ўтрыманне дзяцей, якія знаходзяцца на дзяржаўным забеспячэнні
Дэкрэтам устаноўлены канкрэтныя нормы, якія датычацца абавязкаў наймальнікаў па працаўладкаванні бацькоў, абавязаных кампенсаваць расходы на ўтрыманне дзяцей, якія знаходзяцца на дзяржаўным забеспячэнні (далей - абавязаныя асобы).
Парадак працаўладкавання абавязанай асобы.
Непрацуючыя абавязаныя асобы падлягаюць працаўладкаванню па месцы іх жыхарства ў адпаведнасці з судовай пастановай (вызначэннем аб судовым загадзе) аб іх працаўладкаванні, па накiраваннi ўпраўленняў па працы, занятасці і сацыяльнай абароне гарадскіх і раённых выканаўчых камітэтаў (далей - орган па працы).
Абавязаная асоба павінна з'явіцца ў арганізацыю для працаўладкавання і прыступіць да працы не пазней за дзень, які ідзе за днём атрымання накіравання органа па працы.
Акрамя накіравання на працу ад органа па працы абавязаная асоба павінна прад'явіць наймальніку і іншыя дакументы ў адпаведнасці з патрабаваннямі артыкула 26 Працоўнага кодэкса Рэспублікі Беларусь (далей - ПК): пашпарт, працоўную кніжку, дыплом аб адукацыі (калі ў яго ёсць у наяўнасці).
Незалежна ад форм уласнасці арганізацыі, уключаныя ў пералік арганізацый для працаўладкавання абавязаных асоб, абавязаны ў 3-дзённы тэрмін з дня ўзнікнення свабодных працоўных месцаў (вакансій) інфармаваць аб гэтым органы па працы з указаннем умоў працы і памеру заработнай платы па наяўных вакансіях.
Кантроль за штодзённай яўкай абавязаных асоб на працу ажыццяўляюць наймальнікі сумесна з органамі ўнутраных спраў і органамі па працы, занятасці і сацыяльнай абароне.
Заработная плата абавязанай асобы
Заработная плата павінна кампенсаваць расходы на ўтрыманне дзяцей
Заработная плата абавязанай асобы павінна забяспечыць поўнае выкананне штомесячных абавязацельстваў па кампенсацыі расходаў па ўтрыманні дзяцей. Пры гэтым за абавязанай асобай павінна захоўвацца не менш як 30 працэнтаў заработнай платы.
Памер штомесячных выплат на адно дзіця, падлягаючых кампенсацыі, устанаўліваецца нормамі пастановы Савета Міністраў Рэспублікі Беларусь ад 6 ліпеня 2006 г. № 840 «Аб дзяржаўным забеспячэнні дзяцей-сірот, дзяцей, якія засталіся без апекі бацькоў, асоб з ліку дзяцей-сірот і дзяцей, якія засталіся без апекі бацькоў, дзяцей, якія знаходзяцца ва ўстановах, якія ажыццяўляюць прафілактыку безнагляднасці і правапарушэнняў непаўналетніх».
Аплата працы абавязаных асоб, як і ўсіх працуючых, рэгулюецца дзеючым працоўным заканадаўствам, лакальнымі нарматыўна-прававымі актамі, прынятымі ў працоўным калектыве (калектыўны працоўны дагавор, палажэнне аб аплаце і прэміраванні і іншыя).
Сацыяльныя гарантыі
На працуючых абавязаных асоб, працаўладкаваных па судовай пастанове аб працаўладкаванні, распаўсюджваецца заканадаўства аб сацыяльным страхаванні, пенсійнае заканадаўства, заканадаўства аб працы. Выключэнне складае права на прадастаўленне працы ў адпаведнасці з адукацыяй і прафесійнай падрыхтоўкай.
Абавязаныя асобы, працаўладкаваныя па судовай пастанове аб працаўладкаванні, маюць права на асноўны працоўны водпуск працягласцю 7 каляндарных дзён (а не 24 каляндарныя дні, як гэта прадугледжана ПК), сацыяльныя водпускі па цяжарнасці і родах і па доглядзе дзіцяці да дасягнення ім узросту 3 гадоў. Іншыя працоўныя і сацыяльныя водпускі, прадугледжаныя заканадаўствам аб працы, абавязаным асобам не прадастаўляюцца.
Дысцыплінарная адказнасць
Да абавязанай асобы прымяняюцца меры дысцыплінарнага спагнання прадугледжаныя ПК.
За здзяйсненне дысцыплінарнай правіннасці наймальнік можа прымяніць да абавязанай асобы любыя меры дысцыплінарнага спагнання, устаноўленыя працоўным заканадаўствам, акрамя звальнення.
Абавязаная асоба не можа быць звольнена з працы да поўнай кампенсацыі расходаў па ўтрыманні дзяцей. Выключэнне складаюць наступныя выпадкі, прадугледжаныя ў пп. 1 (акрамя скарачэння колькасці або штата работнікаў), 2, 8 арт. 42 ПК, пп.1, 2, 5, 6 арт. 44 ПК і пп.2, 4 арт. 47 ПК:
- ліквідацыя арганізацыі, спыненне дзейнасці індывідуальнага прадпрымальніка;
- неадпаведнасць работніка займаемай пасадзе або выкананай рабоце з прычыны стану здароўя, перашкаджаючага прадаўжэнню гэтай работы;
- здзяйсненне па месцы працы крадзяжу маёмасці наймальніка, усталяванага ўступіўшым у законную сілу прысудам суда або пастановай органа, у кампетэнцыю якога ўваходзіць накладанне адміністрацыйнага спагнання;
- прызыў работніка на ваенную службу;
- аднаўленне на працы работніка, які раней выконваў гэту работу;
- уступленне ў законную сілу прыгавору суда, якім работнік асуджаны да пакарання, якое выключае прадаўжэнне работы, або судовай пастановы аб працаўладкаванні работніка, абавязанага кампенсаваць расходы на ўтрыманне дзяцей;
- смерць работніка;
- здзяйсненне віноўных дзеянняў работнікам, які непасрэдна абслугоўвае грашовыя і матэрыяльныя каштоўнасці, калі гэтыя дзеянні з'яўляюцца падставай для страты даверу да яго з боку наймальніка;
- накіраванне работніка па пастанове суда ў лячэбна-працоўны прафілакторый.
Пры звальненні абавязанай асобы па вышэйзгаданых падставах наймальнік у дзень яе звальнення накіроўвае аб гэтым інфармацыю ў орган па працы і орган унутраных спраў (калі абавязаная асоба працавала на падставе судовай пастановы аб працаўладкаванні) для забеспячэння працаўладкавання абавязанай асобы на новае месца працы і спагнанню расходаў па ўтрыманню дзяцей (калі абавязаная асоба на дзень звальнення добраахвотна кампенсавала такія расходы) для звароту ў суд з заявай аб спагнанні расходаў з абавязанай асобы.
Самастойнае працаўладкаванне абавязаных асоб
Абавязаная асоба можа самастойна знайсці месца працы з заработнай платай, якая перавышае заработную плату па прадастаўленым месцы працы. У такім выпадку наймальнік пры наяўнасці ліста ад іншага наймальніка мае права па пісьмовым узгадненні з органам па працы звольніць абавязаную асобу для далейшай працы ў іншага наймальніка.
Спасылка на нарматыўна-прававыя акты
- Дэкрэт Прэзідэнта Рэспублікі Беларусь ад 24 лістапада 2006 г. № 18 "Аб дадатковых мерах па дзяржаўнай абароне дзяцей у нядобранадзейных сем'ях";
- Палажэнне аб працаўладкаванні бацькоў, абавязаных кампенсаваць расходы, затрачаныя дзяржавай на ўтрыманне дзяцей, якія знаходзяцца на дзяржаўным забеспячэнні ад 26.01.2007 г. 105, зацверджана Саветам Міністраў Рэспублікі Беларусь.
