Мы ніколі не забудзем подзвігу нашых дзядоў і прадзедаў
Мы ніколі не забудзем подзвігу нашых дзядоў і прадзедаў, нашых родных і блізкіх, якія коштам уласных жыццяў абаранілі волю і незалежнасць нашай Радзімы, далi магчымасць жыць і працаваць нам пад мірным небам. - падкрэсліў Кіраўнік адміністрацыі Кастрычніцкага раёна г. Віцебска Уладзімір Бялевіч, віншуючы сёння з Днём Вялікай Перамогі жыхара блакаднага Ленінграда Святлану Лявонцьеўну Шаўчэнка.
Восем дзясяткаў гадоў таму гэты дзень - 9 Мая быў навечна ўпісаны ў гісторыю і стаў сімвалам вясны і мірнага жыцця, высакароднасці і адвагі, патрыятызму і любові да Радзімы. Мы схіляемся перад веліччу подзвігу нашага народа ў гады Вялікай Айчыннай вайны. І захаваць гэтыя галоўныя каштоўнасці, перадаць іх будучым пакаленням - наш грамадзянскі абавязак.
Віншаванні ў адрас Святланы Лявонцьеўны гэтак жа прагучалі ад намесніка старшыні камітэта па працы, занятасці і сацыяльнай абароне Віцебскага абласнога выканаўчага камітэта Веры Астапенкі, дырэктара тэрытарыяльнага цэнтра сацыяльнага абслугоўвання насельніцтва Кастрычніцкага раёна г. Віцебска Таццяны Рамашовай і старшыні Віцебскай абласной арганізацыі Беларускага прафсаюза работнікаў дзяржустаноў, дэпутата Віцебскага абласнога Савета дэпутатаў Алены Няфёдавай.
