Пашыранае пасяджэнне камісіі "Аб мерах па ўмацаванні грамадскай бяспекі і дысцыпліны"
Пры Віцебскім абласным выканаўчым камітэце 12 сакавіка адбылося пашыранае пасяджэнне камісіі па выкананні патрабаванняў Дырэктывы Прэзідэнта Рэспублікі Беларусь ад 11 сакавіка 2004 г. № 1 "Аб мерах па ўмацаванні грамадскай бяспекі і дысцыпліны".
Асноўная ўвага была ўдзелена пытанням папярэджання пажараў і гібелі на іх грамадзян, забеспячэнню бяспекі на водных аб'ектах, эфектыўнасці мер па прафілактыцы п'янства і алкагалізму сярод насельніцтва Віцебскай вобласці.
Разгледжаны вынікі работы па рэалізацыі комплексу мер па ўмацаванні вытворча-тэхналагічнай, выканальніцкай і працоўнай дысцыпліны, забеспячэнню бяспекі вытворчай дзейнасці ў 2024 годзе ў частцы забеспячэння супрацьпажарнай бяспекі на аб'ектах Віцебскай вобласці і вынікі работы Браслаўскага, Верхнядзвінскага, Віцебскага, Глыбоцкага, Гарадоцкага, Міёрскага, Талачынскага, Ушацкага райвыканкамаў па рэалізацыі патрабаванняў Дырэктывы № 1.
Рашэннем камісіі намечаны шэраг практычных мерапрыемстваў, накіраваных на няўхільную рэалізацыю патрабаванняў Дырэктывы Прэзідэнта Рэспублікі Беларусь №1.
