Рэспубліканскі семінар па пытаннях арганізацыі работы дзяржаўнай службы занятасці насельніцтва
У горадзе Гродна 17-18 красавіка 2025 г. адбыўся Рэспубліканскі семінар па пытаннях арганізацыі работы дзяржаўнай службы занятасці насельніцтва. У мерапрыемстве прынялі ўдзел першы намеснік Міністра працы і сацыяльнай абароны Астрэйка Т.А., спецыялісты Міністэрства працы і сацыяльнай абароны, рэгіянальных органаў па працы, занятасці і сацыяльнай абароне. Ад Віцебскай вобласці ў рабоце семінара прынялі ўдзел намеснік старшыні камітэта па працы, занятасці і сацыяльнай абароне Віцебскага аблвыканкама Зіноўева С.П., намеснік начальніка ўпраўлення занятасці насельніцтва камітэта па працы, занятасці і сацыяльнай абароне Віцебскага аблвыканкама Аўчыннікава Т.М, начальнік упраўлення па працы Захарава Т.А.
Першы дзень семінар адбыўся на пляцоўцы ААТ "Белкард", дзе ўдзельнікі пазнаёміліся з гісторыяй станаўлення прадпрыемства, абмеркавалі практыку ўзаемадзеяння прадпрыемства са службай занятасці ў рамках рэалізацыі дарожных карт супрацоўніцтва па падборы і навучанні персаналу, пытанні прыцягнення замежнай працоўнай сілы, замацавання персаналу.
Другі дзень семінара прайшоў у фармаце прафесійнага дыялогу па абмеркаванні новаўвядзенняў у заканадаўстве па пытаннях занятасці, выпрацоўцы новых падыходаў у сферы занятасці насельніцтва, адбыўся абмен вопытам работы ва ўмовах новых выклікаў на рынку працы. Сваім вопытам работы ў рамках узаемадзеяння дзяржаўных органаў і наймальнікаў пры рэалізацыі Дэкрэта Прэзідэнта Рэспублікі Беларусь ад 2 красавіка 2015 г. № 3 падзялілася прадстаўнік Віцебскай вобласці Захарава Т.А.
