Новае ў заканадаўстве аб пенсійным забеспячэнні
Абноўлены спісы прафесій і пасад для датэрміновай пенсіі
Пастановай Савета Міністраў Рэспублікі Беларусь ад 8 красавіка 2026г. № 175 устаноўлена новая рэдакцыя спісаў вытворчасцей, работ, прафесій, пасад і паказчыкаў для мэт прафесійнага пенсіённага страхавання, якія даюць права на прафесійную пенсію за работу са шкоднымі і небяспечнымі ўмовамі працы.
Новая рэдакцыя спісаў прымяняецца з 1 ліпеня 2026 г.
Спіс № 1 - для падземных работ, а таксама работ з асабліва шкоднымі і асабліва цяжкімі ўмовамі.
Спіс № 2 - для работ са шкоднымі і цяжкімі ўмовамі працы (менш небяспечнымі, чым у першым спісе).
Да гэтага дзейнічала версія, зацверджаная ў 2005 годзе.
Асноўныя змены:
1. Выключаны прафесіі і пасады, якія страцілі актуальнасць.
Са спісаў выключылі шэраг прафесій і пасад, якія:
- больш не прымяняюцца ў эканоміцы;
- па выніках атэстацыі працоўных месцаў нідзе не пацвердзілі шкоднасць;
- на працягу некалькіх гадоў атрымлівалі адзнаку "аптымальныя або дапушчальныя" умовы працы.
2. 15 прафесій перанесены са спіса № 1 у спіс № 2.
Гэта значыць, што раней для іх меркавалася асабліва небяспечная праца, але практыка паказала іншае.
3. Перагрупаваны раздзелы.
Раней быў асобны раздзел III у кожным спісе - яго анулявалі, а прафесіі адтуль перамясцілі ў раздзелы I і II, прывязаўшы да канкрэтных вытворчасцей і паказчыкаў.
4. Прыведзены назвы ў адпаведнасць.
Назвы прафесій, пасад, вытворчасцей і кодаў зараз адпавядаюць дзеючым кваліфікацыйным даведнікам.
5. Удакладнены фармулёўкі работ, умоў і паказчыкаў.
З улікам рэальнай правапрымяняльнай практыкі да кожнай прафесіі і пасады вызначаны ўмовы прымянення спісаў (каб менш было спрэчак, ці лічыцца канкрэтная праца "шкоднай").
Што гэта значыць для работнікаў і працадаўцаў?
Праводзіць пазачарговую атэстацыю працоўных месцаў не трэба.
Вынікі атэстацыі, якая праведзена да 1 ліпеня 2026 г., працягваюць дзейнічаць да заканчэння яе тэрміну. Іх па-ранейшаму выкарыстоўваюць для прафесійнага пенсійнага страхавання.
Парадак прымянення новых спісаў № 1 і № 2 рэгулюецца:
Інструкцыяй аб парадку прымянення спісаў вытворчасцей, работ, прафесій, пасад і паказчыкаў для мэт прафесійнага пенсійнага страхавання, зацверджанай пастановай Міністэрства працы і сацыяльнай абароны Рэспублікі Беларусь ад 8 мая 2026 г. № 40.
